Monday, June 4, 2007

HARD TIMES




اوقات صعبة كتير بتيجى على الواحد مع انه ممكن ميكونش عنده اى مشاكل ولو قلنا عنده فراغ عاطفى بردة مفيش فراغ او ممكن نقول ان فى حد بيحبه بس انتا مش كدة يعنى مش بتحبه وكل مايحاول يقرب منك انتا تزهقه والمأساة بقى لو هو بقى بيحبك ومستحملك بس طيب وايه العمل مانتا بردة مش بتحبه .


غريب اوى اللى احنا فيه دة ليه دايما اللى انتا عايزه ميكونش ليك واللى عايزاك تكون مش ليه هيا حكمة ولا عشان الدنيا مبتديش حد اللى هو عايزه.


والا بقى لما تكون حاسس انك مضايق من كل الناس اللى انتا شايف معاهم الحاجة اللى نفسك تحصلك فعلا دى اوقات صعبة اوى ان الانسان يتحملها ممكن لو انتا برة الموضوع متحش بكلامى بس لو كنت جربته او كنت لسه فى نفس المرحلة دى يااااااه اكيد فعلا هتحس بالشعور دة اصل فى مثل قديم بيقول اللى ايده فى المياه مش زى اللى ايده فى النار بصراحة عنده حق اللى قال الكلام الجامد دة والله راجل اصلى.


طيب هو فى حل ولا هنقول كل واحد مش بياخد غير نصيبه اه طبعا انا موافقة بس المشكلة ان الانسان فى طبيعته مستعجل وكمان فى نوع من الشخصيات بتحب الحلول السريعة مع انها ممكن تكون حلول بس على المدى القصير دة كل عشان احنا مبنقدرش نستنى الحل اللى بيتاخر شويتين.


ماعلينا هو كدة فى مشاكل ملهاش حلول ولا تفهملها اى مبرارات بس هنعمل ايه ادينا بنشكى ونفضفض مع بعضينا ولا ايه ياجماعة؟




10 comments:

emoo said...

معلش ياختى
حلو الشكل الجديد

emoo said...

هية الحياة كدة يوم اما يبقى معاكى غيرك مش هيكون معاه
ويوم اما يكون معاه مايبقاش معاكى
يوم ليك ويوم عليك
ميرسى خالص

Anonymous said...

سيادتك البلوج جميل وكل حاجة ...
بس العنوان يدعو الى اليأس
هى نأصاكى يعنى

Anonymous said...

بصي يا بنتى هو كل بنى ادم كده والاكتر انه ما يعرفش المبرر انه مايحبش اللى يحبه ويحب اللى ما يحبهوش بس انا من رائي بجد انك ترتبطى بالانسان اللى يحبك مش اللى انتى تحبيه و هيجى اليوم اللى تحبيه علشان هيكون طيب معاكى وهيعمل كل شئ علشانك يبقي هتكرهي ليه دى وجهه نظرى

laalaa said...

متشكرة ليك اوى على تعليقك بس كنت احب اعرف اسمك على الاقل او اسمك طبعا شكرا للمرور.

Hayam said...

مش عارفة حاسة بحاجة عبيطة قوي
بس جارحة قوي
وادايق قوي
يعني ايه تكوني بتحبي حد اياً كان مش لازم راجل يعني
يجي عليه يوم من بعد ما كنتو صحاب قوي يقولك خلينا بعاد عن بعض احسن ولا وايه كمان عشان هوا مش عايز يبين مشاعرو وانتي تبقي حاسة ان انتي بتحبيه وعايزاه وتوصلي لمرحلة تبقي عايزة تقوليلو معليش استحملني ده ايه الإذلال ده يعني لازم الواحد ينافق ويعمل حالو مش حاسس بأي حاجة ؟؟؟ والله الي بيخبي مشاعرو ده بيذلك قوي
سامحيني بس كنت مدايقة وحكيت كأني أعرفك

laalaa said...

youma
بصى انا مش عارفة انتى فهمتى كلامى ولا لا بس تعليقك بردة مفيد بس اقولك حاجة دة فعلا موجود
اتمنى اشوف تعليقاتك دايما

Hayam said...

بما انك رديتي بسرعة كذا وده بسطني
ايه رأيك نتكلم علىالميل ولو مش مناسب ليكي يعني عادي انا حأقبل
شوفي انا فهمت موضوعك بس انا كنت بتكلم على حالة انا عايشاها دي الوقتي وكلامك فكرني بيها ولو اني مش ناسياها

laalaa said...
This comment has been removed by the author.
Hayam said...

حتعرفيني من ايميلي اوكي انا داخلة حالاً